یہ15 اپریل 2024 کو انگریزی میں شائع ہونے والے 'Biden condemns Iran’s strike on Israel: A case study in imperialist hypocrisy' اس تناظر کا اردو ترجمہ ہے۔

سامراجی طاقتوں نے ہفتے کے روز اسرائیل پر ایران کے حملوں کا جواب مذمت کی بوچھاڑ کے ساتھ دیا ہے۔

'میں ان حملوں کی سخت ترین الفاظ میں مذمت کرتا ہوں' امریکی صدر جو بائیڈن نے اعلان کیا کہ 'اسرائیل کی سلامتی کے لیے امریکہ اپنے آہنی عزم کا پرزور اِعادَہ کرتا ہے '۔

سامراجی طاقتوں کے جی 7 گروپ نے ایک بیان میں کہا ہے کہ 'ہم اسرائیل کے خلاف ایران کے براہ راست اور بے مثال حملے کی سخت ترین الفاظ میں مذمت کرتے ہیں۔' اس میں مزید کہا گیا کہ 'ایران نے خطے کے عدم استحکام کی طرف مزید قدم بڑھایا ہے اور جس سیایک بے قابو علاقائی کشیدگی کو ہوا دینے کا خطرہ ہے۔'

سامراجی جنگجوؤں کے یہ بیانات جو نیٹو کی ہر بڑی طاقت نے دہرائے ہیں منافقت کی انتہا ہے۔ مشرق وسطیٰ میں 'ایک بے قابو علاقائی کشیدگی کو ہوا دینے والی طاقت' اسرائیل اور اس کے سامراجی پشت پناہ ہیں۔

ہمیں ٹائم لائن کو درست کرنے کی اجازات دیں۔ ایران کا یہ حملہ یکم اپریل کو شام میں ایرانی سفارت خانے پر اسرائیل کے حملے کا ردعمل تھا جس میں دو جنرلوں سمیت سات اعلیٰ سطحی ایرانی فوجی افسران ہلاک ہوئے تھے۔

مؤثر طریقے سے ایرانی سرزمین پر اسرائیل کے غیر قانونی اور قاتلانہ حملے کے جواب میں سامراجی طاقتوں نے مؤثر طریقے سے اس کی تائید کی۔ اقوام متحدہ میں امریکی سفیر رابرٹ ووڈ نے اعلان کیا کہ 'دہشت گرد رہنما اور عناصر مبینہ طور پر اس سفارت خانے پر موجود تھے۔' امریکہ، فرانس اور برطانیہ نے اقوام متحدہ کی سلامتی کونسل میں اسرائیل کے حملے کی مذمت کی قرارداد کو ویٹو کر دیا۔

اب سامراجی اسرائیل کے اقدام پر ایران کے ردعمل کی مذمت کرنے کے لیے سَٹیھا گے ہیں۔ یہ سب سے زیادہ حیران کن ہے کیونکہ ایران کا عمل زیادہ تر علامتی تھا۔ ایرانی حکومت نے اس حملے کیاثر کو محدود کرنے کی کوشش میں 72 گھنٹے پہلے خطے کے ممالک میں ہفتہ کے حملے کا اعلان کیا۔ جیسا کہ رائٹرز نے اتوار کو رپورٹ کیا کہ'ایران نے ہفتے کے روز اسرائیل پر ڈرون اور میزائل حملے سے چند دن پہلے وسیع نوٹس دیا تھا جس سے بڑے پیمانے پر ہلاکتوں اور بڑھتے ہوئے اضافے کو روکا جا سکتا تھا۔'

سامراجی طاقتیں اس بات پر زور دے رہی ہیں کہ وہ اور ان کے پراکسی جتنے چاہیں قتل کر سکتے ہیں اپنے حریفوں کو ہدف بنا کر قتل کر سکتے ہیں اور بین الاقوامی قانون کی مکمل خلاف ورزی کر سکتے ہیں۔ لیکن ان خلاف ورزیوں کے انتہائی معمولی کردار کے رد عمل کے طور پر اسے جرم کہا جاتا ہے اور اسکی مذمت کی جاتی ہے۔ یہ استعمار اور سامراج کا بنیادی قانون ہے۔

جب کہ بائیڈن ایران کے اقدامات کی 'مذمت' کرتے ہیں، لیکن وہ غزہ کے خلاف اسرائیل کے حملے کے لیے وہی زبان نہیں بولتے جسے امریکہ اور دیگر سامراجی طاقتوں کی طرف سے مالی مسلح اور سیاسی حمایت حاصل ہے۔

اسرائیل فعال طور پر غزہ کی آبادی کے خلاف نسل کشی کر رہا ہے پہلے ہی کم از کم 40,000 افراد کو ہلاک کر چکا ہے۔ یہ 2.2 ملین لوگوں کی پوری آبادی کو منظم طریقے سے بے گھر کر رہا ہے انہیں بھوکا مار رہا ہے اور بمباری کر رہا ہے اور جان بوجھ کر ڈاکٹروں اور امدادی کارکنوں کو قتل کر رہا ہے۔

غزہ میں نسل کشی ایک علاقائی جنگ کی شکل اختیار کر رہی ہے جو بہت جلد پوری دنیا کو اپنی طرف لپیٹ سکتی ہے۔

اس حد تک کہ بائیڈن انتظامیہ سرکاری بیانات کے بجائے عام طور پر پس منظر میں کہہ رہی ہے کہ وہ اس بات کو ترجیح دے گی کہ اسرائیل فوری فوجی حملوں کا جواب نہ دے اس کا تعین طریقہ کار سے ہوتا ہے۔

ان میں سے کچھ تحفظات نیویارک ٹائمز میں بریٹ سٹیفنز کے ایک انتخابی ایڈ میں اس عنوان کے تحت رکھے گئے تھے، 'اسرائیل کے لیے بدلہ ایک سرد ڈش کی ماند ہونا چاہیے۔'

'اپنے دفاع کے معاملے کے طور پر،' سٹیفنز نے لکھا، 'اسرائیل کو ہر قسم کا جواب دینے کا اخلاقی اور قانونی حق حاصل ہے اور پھر کچھ زیادہ۔ اسرائیل کے لیے دفاع کے لیے اپنی صلاحیت کا مظاہرہ کرنا کافی نہیں ہے جیسا کہ اس نے ہفتے کے آخر میں کیا تھا۔ اسے ڈیٹرنس کے لیے اپنی صلاحیت کو بھی دوبارہ قائم کرنا چاہیے۔ یعنی اسے ایران کے لیڈروں کو یہ دکھانے کی ضرورت ہے کہ اسرائیل کے خلاف ان کی جنگ کو سائے سے باہر لانے کی قیمت ناقابل برداشت حد تک زیادہ ہو گی اور اس لیے اسے دہرایا نہیں جانا چاہیے۔

سٹیفنز تاہم ایران پر ہر طرف سے حملے کے خلاف مشورہ دیتے ہیں۔ 'اسرائیل کی غزہ میں حماس کے خلاف نامکمل جنگ ہے اور ایران پر براہ راست اسرائیلی حملہ لبنان میں حزب اللہ کے خلاف دوسری مکمل جنگ شروع کر سکتا ہے اگر وہ ایران کے ساتھ نہ بھی ہو۔ زیادہ تر اسرائیلی سمجھتے ہیں کہ خاص جنگ جلد یا بدیر لڑنی پڑے گی شاید موسم گرما کے اختتام سے پہلے اور یہ کہ یہ ان پر شاید غزہ کی جنگ سے کہیں زیادہ سخت ہو گی۔ 

دوسرے لفظوں میں ایران کے ساتھ جنگ ​​کے 'زیادہ مشکل' کام کی طرف رجوع کرنے سے پہلے غزہ میں نسل کشی کو ختم کرنا سب سے پہلے ضروری ہے۔

امریکی سیاسی اسٹیبلشمنٹ کے حصے کھلے عام ایک مکمل جنگ کی وکالت کر رہے ہیں، اس بات پر زور دیتے ہوئے کہ بائیڈن انتظامیہ ایران کے خلاف اسرائیلی جنگ کی حمایت کرنے میں کافی حد تک آگے نہیں جا رہی ہے۔ وال سٹریٹ جرنل نے ایک اداریے میں لکھا کہ 'اس حملے سے کم از کم مسٹر بائیڈن اور ان کے ساتھی ڈیموکریٹس کو غزہ پر اسرائیل کے ساتھ اپنی سرد جنگ ختم کرنے کا سبب بننا چاہیے اور یہ تسلیم کرنا چاہیے کہ یہ واقعی ایران کے خلاف جنگ ہے۔'

اس نے جاری رکھتے ہوئے مزید کہا کہ 'دونوں جماعتوں کے رہنماؤں کو عالمی خطرات کی نئی دنیا کے بارے میں امریکیوں کو سچ بتانا بھی شروع کر دینا چاہیے۔ روس، چین، ایران اور شمالی کوریا یہ سب ایک ہیں اور مل کر کام کر رہے ہیں۔“

اسرائیلی کابینہ گزشتہ دنوں سے اس بات پر غور و خوض کرتی رہی ہے کہ کیا اقدامات کیے جائیں اور ظاہر ہے کہ خود حکومت کے اندر ہی دھڑے اور اختلافات ہیں۔

مزید برآں جب کہ اسرائیل مشرق وسطیٰ میں سامراج کا حملہ آور کتا ہے امریکہ اس پر مکمل کنٹرول نہیں رکھتا کہ وہ کیا کرے گا۔ کسی بھی صورت میں بائیڈن انتظامیہ نے اس بات کی تصدیق کی ہے کہ اگر اسرائیل کارروائی کرتا ہے تو اسے مکمل حمایت حاصل ہوگی۔

میٹ دی پریس میں نمودار ہوتے ہوئے وائٹ ہاؤس کے ترجمان جان کربی نے اعلان کیا، 'اسرائیلیوں کا ردعمل ان پر منحصر ہے کہ آیا اور کیسے۔'

ان سے پوچھا گیا کہ 'اگر اسرائیل جوابی حملوں کے ساتھ آگے بڑھنے کا فیصلہ کرتا ہے تو کیا امریکہ اسرائیل کی حمایت کرے گا؟' کربی نے جواب دیا کہ امریکہ 'اسرائیل کے اپنے دفاع کے لیے اپنی حمایت میں آہنی عزم پر رہے گا یہ نہیں بدلے گا۔'

امریکہ نے 7 اکتوبر کے واقعات کا جواب دیتے ہوئے پورے مشرق وسطیٰ میں ایک بڑا فوجی حملہ شروع کیا جس کا مرکزی ہدف ایران تھا۔ کچھ ہی دنوں میں امریکہ نے جنگی جہازوں اور سیکڑوں طیاروں کا ایک آرماڈا اس خطے میں بھیج دیا جسے اس نے پچھلے چھ مہینوں میں درجنوں غیر قانونی فضائی حملے شروع کرنے کے لیے استعمال کیا ہے۔

مشرق وسطیٰ میں امریکی جارحیت عالمی جنگ کا ایک اہم عنصر ہے جس کے اہم اہداف روس اور چین ہیں۔ یوریشیا کے قلب میں واقع ایران کی محکومیت عالمی فوجی تسلط کے لیے امریکہ کی مہم کا ایک اہم جزو ہے۔

آنے والے دنوں میں جو بھی فوری پیش رفت ہو گی پورے مشرق وسطی میں علاقائی جنگ ایک پھیلتی ہوئی عالمی جنگ کے حصے کے طور پر یہ خطرناک حد تک قابو سے باہر ہوتی جا رہی ہے۔ دنیا دوسری عالمی جنگ کے بعد کسی پہلے دور کی نسبت جوہری تنازع کے قریب کھڑی ہے۔ اس پھیلتی ہوئی عالمی جنگ کو محنت کش طبقے کی بنیا د پر اور اس پر مبنی وسیع پیمانے پر جنگ مخالف تحریک کی بڑھوتی کے سوا کوئی چیز نہیں روک سکتی۔