மொழிபெயர்ப்பின் மூலக் கட்டுரையை இங்கே காணலாம்

COVID-19 ஒரு சீன ஆய்வகத்திலிருந்து தோன்றியது என்ற அமெரிக்க அரசாங்கத்தின் தவறான கூற்றுக்களை WHO விஞ்ஞானிகள் மறுத்ததை அடுத்து, உலக சுகாதார அமைப்பின் ஒரு சர்வதேச குழுவின் கண்டுபிடிப்புகள் குறித்து வெள்ளை மாளிகை 'ஆழ்ந்த கவலை' தெரிவித்துள்ளது.

ஜனவரி 15 அன்று, அமெரிக்க வெளியுறவுத்துறையானது 'வூஹான் வைராலஜி நிலையத்தின் நடவடிக்கை' பற்றிய ஒரு 'தரவுத் தகவலை' வெளியிட்டது. அது உலக சுகாதார அமைப்பானது COVID-19 வைரஸ் சீனாவின் வூஹானிலுள்ள ஒரு ஆய்வகத்திலிருந்து வெளியிடப்பட்டது என்ற தவறான மற்றும் மதிப்பிழந்த சதிக் கோட்பாட்டை பற்றி விசாரிக்க வேண்டும் என்று கோரியது. வெளியுறவுத்துறையானது ஒரு 'ஆய்வக விபத்து ஒரு இயற்கை தொற்றுநோய் போல தோற்றமளிக்கும்' என்று எழுதியது.

COVID-19 ஆனது 'அந்த வூஹான் ஆய்வகத்தில் தோன்றியதா' என்று கேட்டபோது, முன்னாள் வெளியுறவுச் செயலர் மைக் பொம்பேயோவின் பொய்யை எழுதுவதற்காக அந்த ஆவணம் 'இது எங்கு தொடங்கியது என்பதற்கு மிகப் பெரிய சான்றுகள் உள்ளன' என்று எழுதியது.

ட்ரம்ப், உடன் - சதிகாரர்களான ஸ்டீவ் பானன் மற்றும் பீட்டர் நவரோவுடன் சேர்ந்து பொம்பியோவால் கூறப்பட்ட பொய், ஆரம்பத்தில் Falun Gong இயக்கத்துடன் தொடர்புடைய அதி-வலது புலம்பெயர் சீன எப்போக் டைம்ஸினால் (Epoch Times) பிரபலமாக்கப்பட்டது.

ஆனால் சதிக் கோட்பாடு ட்ரம்ப் நிர்வாகத்தால் வெளிப்படையாக ஏற்றுக்கொள்ளப்பட்ட பின்னர், அது ஸ்தாபக ஊடகங்கள் மூலம், சலவை செய்யப்பட்டது, இது அமெரிக்க அரசாங்கத்தின் அதிகாரபூர்வ அரசியல் வழியின் ஒரு பகுதியாக மாறியது.

பெப்ருவரி 5 அன்று, ஜனநாயகக் கட்சியுடன் இணைந்த வாஷிங்டன் போஸ்ட், ட்ரம்ப் வெளிவிவகாரத் துறையின் நிலைப்பாட்டை தழுவி ஒரு தலையங்கத்தை வெளியிட்டது, 'ஒரு ஆய்வக விபத்து அல்லது கசிவு' பெருந்தொற்று நோய்க்கான 'சாத்தியமான' விளக்கத்தை பிரதிபலிக்கிறது என்றது.

ஆனால் COVID-19 ஐ பொய்யாகக் கூறும் இந்த இரு கட்சி முயற்சிகளானது ஒரு சீன ஆய்வகத்திலிருந்து விடுவிக்கப்பட்டன என்கிறது – அதாவது இது ஒரு உயிரியல் ஆயுதம் மற்றும் அமெரிக்கா மீதான இராணுவத் தாக்குதல் என்ற அடிக்கோடிடுகிறது, ஆனால் உலக சுகாதார அமைப்பின் ஆய்வாளர்களால் ஒரு மோசமான அடியை இது கையாண்டது.

பிப்ரவரி 9 அன்று, COVID-19 இன் தோற்றம் பற்றிய ஒரு விசாரணையிலிருந்து திரும்பிய WHO ஆராய்ச்சியாளர்களால், 'வூஹான் ஆய்வக' சதிக் கோட்பாடு தகர்க்கப்பட்டது, உலக சுகாதார அமைப்பு அது பற்றி மேற்கொண்டு ஆராய்ச்சிகளை நடத்தாது என்று கூறியது.

சிங்குவா (Tsinghua) பல்கலைக்கழகத்தைச் சேர்ந்த பேராசிரியர் லியாங் வான்னியன், WHO இன் குழு கூட்டத்தில் பேசுகையில், 'வைரஸ் மனிதர்களால் வடிவமைக்கப்பட்டது' என்ற கோட்பாடு 'உலகம் முழுவதிலுமுள்ள ஒட்டுமொத்த விஞ்ஞான சமூகத்தால் ஏற்கனவே மறுக்கப்பட்டுள்ளது' என்று தெளிவுபடுத்தினார்.

வைரஸ் ஒரு ஆய்வகத்திலிருந்து தற்செயலாக தப்பித்தது என்ற கூற்றைப் பொறுத்தவரை, லியாங் மேலும் கூறினார், “வூஹானிலுள்ள அனைத்து ஆய்வகங்களிலும், SARS-CoV-2 இன் வைரஸ் தற்போது இல்லை. இந்த வைரஸ் இல்லை என்றால், இந்த வைரஸ் தொடர்புபடுத்தப்படுவதற்கான வழியும் இருக்காது.”

ஒரு WHO இன் உணவு பாதுகாப்பு நிபுணரான பீட்டர் பென் எம்பெரேக், 'இந்த குறிப்பிட்ட வைரஸ் முன்னர் எங்கும் ஆராய்ச்சி செய்யப்பட்டதோ அல்லது அடையாளம் காணப்பட்டதோ அல்லது அறியப்படவில்லை' என்று சேர்த்துக் கொண்டார்.

இந்த அறிக்கைகள் பைடென் நிர்வாகத்திடமிருந்து ஒரு கண்டனத்தை தூண்டியது, அது அறிவித்தது, 'COVID-19 விசாரணையின் ஆரம்ப கண்டுபிடிப்புகள் மற்றும் அவற்றை அடைய பயன்படுத்தப்படும் செயல்முறை பற்றிய கேள்விகள் எப்படி இருந்தன என்பது பற்றி எங்களுக்கு ஆழ்ந்த பிரச்சனைகள் உள்ளன.'

உலக சுகாதார அமைப்புக்கான ட்ரம்ப் பின்வாங்கிய நிதியுதவியை பைடென் நிர்வாகம் தலைகீழாக மாற்றியதை சுட்டிக்காட்டிய வெள்ளை மாளிகை, நிதிகளுக்கு ஈடாக அரசியல் கீழ்ப்படிதலைக் கோரியது. அந்த அறிக்கையானது 'WHO உடன் மீண்டும் ஈடுபாடு கொள்வது என்பது உயர்ந்த தரங்களுக்கு அதை வைத்திருக்கும்' என்று அச்சுறுத்தியது, அதன் கண்டுபிடிப்புகள் 'சீன அரசாங்கத்தால் தலையிடவோ அல்லது மாற்றவோ கூடாது' என்றும் கோருகிறது.

COVID-19 இன் முதல் பெரிய அளவிலான வைரஸ் வெடிப்புக்கு சீனா மையமாக இருந்தது, இது உலகில் வேறு எங்கும் காணப்படாத முற்றிலும் புதிய நோயாகும். இருந்த போதிலும், சீனாவில் COVID-19 காரணமாக 4,636 பேர் மட்டுமே இறந்துள்ளனர், அல்லது அதாவது ஜூலை 12, 2020 இல் அமெரிக்காவில் ஒரே நாளில் இறந்தவர்களுக்கு சமமாகும்.

நோயின் அளவை குறைக்க ஆரம்பத்தில் முயற்சி செய்த போதிலும், சீன அரசாங்கம் சர்வதேச விஞ்ஞான சமூகத்திற்கு விரைவாக எச்சரிக்கை விடுத்துள்ளது. ஜனவரி 12 அன்று இந்த நோயின் மரபணு வரிசையை அது பகிரங்கமாக பகிர்ந்து, ஒரு WHO குழு சுதந்திரமாக பயணம் செய்து, இந்த நோய் பரவுவதை கண்காணிக்க அனுமதித்தது, இதன் விளைவாக, பிப்ரவரி 16-24 அறிக்கையில் உலகம் முழுவதிலுமுள்ள விஞ்ஞானிகள் மற்றும் மருத்துவர்களுக்கு இந்த நோய்க்கு எதிரான போராட்டத்தில் வழிகாட்டியதாக அது தெரிவித்துள்ளது.

பெருந்தொற்றுக்கு சிகிச்சையளிப்பது, அனைத்து தொற்று தொடர்புகளையும் தடமறிதல் செய்யவும் மற்றும் இலக்கு வைக்கப்பட்ட பொதுமுடக்கங்கள் மூலம் சமூக பரவலைத் தடுக்க பரந்த அளவிலான சமூக வளங்களை அணிதிரட்டுவதன் மூலம் சீனா தொற்று நோயைத் தடுக்க முடியும் என்பதை அந்த அறிக்கை தெளிவுபடுத்தியது.

அமெரிக்கா மற்றும் ஐரோப்பிய அரசாங்கங்கள் இந்த நடவடிக்கைகளை நிராகரித்தன, ஏனெனில் அவைகளால் மிகவும் பொருளாதார ரீதியாக அதிக செலவு என்று பார்க்கப்பட்டன, பெருந்தொற்று நோய் பெருமளவில் தடையற்றதாக பரவ அனுமதித்தது மற்றும் எந்த ஒரு முறையான நோய் தடமறிவு கண்காணிப்பு மற்றும் தொடர்பு வலைப்பின்னலை உருவாக்கவில்லை, இது அமெரிக்காவில் மட்டும் அரை மில்லியன் மக்கள் இறப்புகளுக்கு வழிவகுத்தது.

WHO விஞ்ஞானிகள் 'வூஹான் ஆய்வகம்' சதிக் கோட்பாடு கண்டுபிடிப்பு மற்றும் அவர்களின் சீன ஒத்துழைப்பாளர்களுக்கு அவர்களின் பாராட்டு ஆகியவற்றை நிராகரித்தாலும், அமெரிக்க செய்தி ஊடகமானது சீனா ஒரு மூடிமறைப்பு நடவடிக்கையில் ஈடுபட்டுள்ளது என்று கூறி அவர்களின் வார்த்தைகளை திரித்துக் கூறுகிறது.

பெப்ருவரி 12 அன்று, நியூ யோர்க் டைம்ஸ் ஒரு கட்டுரையை வெளியிட்டிருந்தது, 'W.H.O. பயணத்தில், சீனா முக்கியமான தரவுகளை ஒப்படைக்க மறுத்துவிட்டது' என்று கூறியது.

அந்தக் கட்டுரை இவ்வாறு கூறியது, 'கொரோனா வைரஸ் பெருந்தொற்று நோயின் மூலங்களை புரிந்து கொள்வதற்கு நெருக்கமாக உலகைக் கொண்டு வரும் மூல தரவுகளை பகிர்ந்து கொள்ள சீன விஞ்ஞானிகள் மறுத்துவிட்டனர், என்று W.H.O. இன் சுயாதீன புலனாய்வாளர்கள் வெள்ளியன்று தெரிவித்தனர்.

WHO குழுவில் இருந்த பிரிட்டிஷ் விலங்கியல் நிபுணர் Peter Daszak, இந்த அறிக்கையை ட்டுவிட்டரில் வெளியிட்டுள்ளார். 'இது @WHO பணியில் என் அனுபவம் அல்ல. விலங்கு / சுற்றுச்சூழல் பணிக் குழுவின் முன்னணியின் எனது நம்பிக்கை & வெளிப்படைத்தன்மை W/என் சீனா சகாக்கள். எமக்கு முழுவதும் சிக்கலான புதிய தரவு அணுகல் கிடைத்தது. எமது வழிகளைப் பற்றிய நமது புரிதலை அதிகப்படுத்தினோம்.'

குழுவின் மற்றொரு உறுப்பினரான Thea K. Fischer மேலும் கூறினார், ' Epi-பக்கத்தில் கூட இது என் அனுபவமாக இருக்கவில்லை. நாம் சீன/Int Epi-அணி ஒரு நல்ல உறவு உருவாக்கினோம்! சூடான வாதங்கள் அனுமதிப்பது அறையில் ஒரு ஆழமான நிலையைப் பிரதிபலிக்கிறது. முக்கியமான விஞ்ஞான பணியின் மீது வேண்டுமென்றே திருப்பப்பட்ட வார்ப்பு நிழல்கள் தான் எங்கள் மேற்கோள்கள் ஆகும்.'

'சீனாவில் எங்கள் சோர்வுமிக்க மாத கால பணியின் முக்கிய கண்டுபிடிப்புகளை விளக்கும் w/பத்திரிகையாளர்கள், பணி தொடங்குவதற்கு முன்னர் பரிந்துரைக்கப்பட்ட ஒரு விவரிப்புக்கு பொருத்தமாக, எங்கள் சக ஊழியர்கள் தேர்ந்தெடுக்கப்பட்ட முறையில் தவறாக மேற்கோள் காட்டுவதை பார்ப்பது ஏமாற்றமளிக்கிறது @nytimes!' என்று Daszak சேர்த்துக்கொண்டார்.