சோசலிச சமத்துவக் கட்சி, உலக ட்ரொட்ஸ்கிச இயக்கமான நான்காம் அகிலத்தின் அனைத்துலகக் குழுவின் இலங்கைப் பிரிவாகும். மனிதகுலம் எதிர்கொள்ளும் அனைத்து பாரிய பிரச்சினைகளுக்கும் —சமத்துவமின்மை, சுரண்டல், போர், சர்வாதிகாரம் மற்றும் சுற்றுச்சூழல் சீரழிவு— ஒரு தொழிலாளர் அரசை நிறுவுதல், பொருளாதாரத்தின் மீது ஜனநாயக கட்டுப்பாட்டை ஸ்தாபித்தல், தேசிய-அரசு அமைப்பை முடிவுக்கு கொண்டுவருதல், சமூக சமத்துவ கோட்பாடுகளின் அடிப்படையில் ஒரு உலகளாவிய சோசலிச சமூகத்தை கட்டியெழுப்புதல் அவசியம் என சோசலிச சமத்துவக் கட்சி வலியுறுத்துகிறது.
சோசலிச சமத்துவக் கட்சியானது, நான்காம் அகிலத்தின் அனைத்துலகக் குழு என்ற ஒரு உலகளாவிய சோசலிச இயக்கத்தின் பாகமாகும். உலகெங்கிலும் உள்ள அதன் சகோதர கட்சிகளுடன் இணைந்து, தொழிலாள வர்க்கத்தில் ஒரு சோசலிச தலைமையை கட்டமைக்க போராடுகிறது. அது, வர்க்க ஒடுக்குமுறை மற்றும் சமத்துவமின்மைக்கு முற்றுப்புள்ளி வைக்கும் ஒரு பொதுவான அரசியல் இயக்கத்தில், தொழிலாள வர்க்கத்தின் அடிப்படை உரிமைகளுக்கான போராட்டங்கள் அனைத்தையும் ஒன்றிணைப்பதை நோக்கமாகக் கொண்டுள்ளது.
சோ.ச.க. இந்த தேர்தலில், கொவிட்-19 உருவாக்கிய நெருக்கடியை எதிர்த்துப் போராடுவதற்கும், ஜனநாயக உரிமைகளைப் பாதுகாப்பதற்கும், ஏகாதிபத்தியப் போரை எதிர்ப்பதற்கும் ஒரு அனைத்துலக சோசலிச வேலைத்திட்டத்தை அபிவிருத்தி செய்கின்றது.
தொற்றுநோய்க்கு எதிரான போராட்டம் முதன்மையானதாக இருந்தாலும் அது ஒரு மருத்துவ பிரச்சினை மட்டுமல்ல. அது எல்லாவற்றிற்கும் மேலாக, சமூக மற்றும் அரசியல் போராட்டத்துடன் தொடர்பானதாகும்
இலண்டனின் பழைய பெய்லியில் நடத்தப்பட்ட ஜூலியன் அசான்ஜை நாடு கடத்துவதன் மீது மீண்டும் தொடங்கப்பட்ட விசாரணையின் முதல் நாள், உலகின் மிகப்பழைய ஜனநாயகங்களில் ஒன்றாக இருந்து வருவதாக பெருமைப்பீற்றி வரும் ஒரு நாடு ஒரு மதிப்பற்ற சர்வாதிகார மட்டத்திற்குச் சுருங்குவதைக் கண்டது
அங்கே முற்றிலும் எதிரெதிரான இரண்டு சமூக நலன்கள் சம்பந்தப்பட்டுள்ளன. ஆசிரியர்கள் வாழ்க்கைக்காக போராடுகிறார்கள். ஆளும் வர்க்கம் இலாபங்கள் மற்றும் மரணங்களுக்காக போராடுகிறது
சோசலிச சமத்துவக் கட்சியின் வேலைத்திட்டம் ஒரு கொள்கை ரீதியானது. இது ஒரு தற்காலத்திற்கு மட்டுமுரிய மற்றும் நடைமுறைவாத தன்மை கொண்டதல்ல. இது உலக முதலாளித்துவத்தின் நெருக்கடி பற்றிய பகுப்பாய்வு மற்றும் தொழிலாள வர்க்கத்தினதும், சர்வதேச சோசலிச இயக்கத்தினதும் மூலோபாய புரட்சிகர அனுபவங்களை உள்ளீர்த்துக்கொண்டதை அடிப்படையாகக் கொண்டது.
சோசலிச சமத்துவக் கட்சியின் வரலாற்று மற்றும் சர்வதேச அடித்தளங்கள் 2008 ஆம் ஆண்டில் சோ.ச.க. வின் ஸ்தாபக காங்கிரஸால் ஏற்றுக்கொள்ளப்பட்டன. இது ஒரு நூற்றாண்டுக்கும் மேலாக நீடிக்கும் தொழிலாள வர்க்கம் மற்றும் மார்க்சிச இயக்கத்தின் பரந்த வரலாற்று நிகழ்வுகள் மற்றும் மூலோபாய அனுபவங்களை ஆய்வுசெய்கிறது.
விஜே டயஸ் தற்போது இலங்கை சோசலிச சமத்துவக் கட்சியின் (SEP) பொதுச் செயலாளராக உள்ளார். அவர் SEP இன் முன்னோடியான புரட்சிக் கம்யூனிஸ்ட் கழகத்தின் (RCL) ஸ்தாபக உறுப்பினராவர். சர்வதேச சோசலிசத்திற்கான கொள்கைகளுக்காக போராடுவதற்காக ICFI இன் இலங்கைப் பிரிவாக RCL 1968 இல் ஸ்தாபிக்கப்பட்டது. அரை நூற்றாண்டுக்கும் மேலாக தொழிலாள வர்க்கத்தின் விடுதலைக்கான கொள்கை ரீதியான போராட்டத்திற்காக டயஸ் தன்னை அர்ப்பணித்துள்ளார். விஜே டயஸ் உலக சோசலிச வலைத் தளத்தின் சர்வதேச ஆசிரியர் குழுவின் உறுப்பினருமாவர்.
தீபால் ஜெயசேகராஇலங்கை சோசலிச சமத்துவக் கட்சியின் பிரதிசெயலாளராக உள்ளார். அவர் 1987 ஆம் ஆண்டில் பேராதனைபல்கலைக்கழகத்தில் மாணவராக இருந்தபோது, SEP இன்முன்னோடியான புரட்சிக்கம்யூனிஸ்ட் கழகத்தில்இணைந்தார். அவர் உலக சோசலிச வலைத் தளத்தின்கொழும்பு ஆசிரியர் குழுவின்உறுப்பினருமாவர்.
சமூக சமத்துவத்திற்கான சர்வதேச இளைஞர்கள் மற்றும் மாணவர்கள் (IYSSE) என்பது சோசலிச சமத்துவக் கட்சியின் மாணவர் மற்றும் இளைஞர் இயக்கமாகும். இது, மாணவர்கள் மற்றும் இளைஞர்களை அமைதி, சமத்துவம், தொழிலாள வர்க்கத்தின் உரிமைகள் மற்றும் சோசலிசத்திற்காக ஐக்கியப்படுத்துவதற்கு போராடுகிறது.
