மொழிபெயர்ப்பின் மூலக் கட்டுரையை இங்கே காணலாம்

இம்ரான் கான் மற்றும் அவரது பாகிஸ்தான் தெஹ்ரீக்-இ-இன்சாப் (PTI - பாகிஸ்தான் நீதிக் கட்சி) தலைமையிலான அரசாங்கத்தை அகற்றிய ஒரு நாள் கழித்து, மிகவும் சர்ச்சைக்குரிய நம்பிக்கையில்லா வாக்கெடுப்பு நடத்தப்பட்டு, பாகிஸ்தான் முஸ்லீம் லீக்கின் (நவாஸ்) தலைவரான ஷெபாஸ் ஷெரீப்பை அந்நாட்டின் பிரதமராக பாகிஸ்தான் தேசிய சட்டமன்றம் திங்கள்கிழமை தேர்வு செய்தது.

அரசாங்கத்தின் பாராளுமன்ற தோல்வியானது, PTI கூட்டணி பங்காளிகள், முக்கியமாக கராச்சியை தளமாகக் கொண்ட MQM-P மற்றும் பல PTI பாராளுமன்ற உறுப்பினர்களின் விலகியதன் மூலம் பல வாரங்களாக தயாரிக்கப்பட்டது. எவ்வாறாயினும், மிக முக்கியமான 'நம்பிக்கையில்லா வாக்கெடுப்பு' என்பது பாகிஸ்தானிய இராணுவத்தால் திரைக்குப் பின்னால், நாட்டின் மிக சக்திவாய்ந்த அரசு ஆட்சியாளர்களால் நடத்தப்பட்டது. சமீப வாரங்களாக அரசியல் சூழ்ச்சிகள் தீவிரமடைந்துள்ள நிலையில்,
2018 ஆம் ஆண்டு தேர்தல் நடத்துவதற்கு உதவிய கானின் மீது, அது காயப்பட்டுவிட்டது என்றும், இனி அவரது அரசாங்கத்தை பின்நிறுத்தப் போவதில்லை என்றும் இராணுவ உயர்மட்ட அதிகாரிகள் தெளிவுபடுத்தினர்.

ஷேபாஸ் ஷெரீப் ஒரு வலதுசாரி தொழிலதிபர் ஆவார், இவர் பாகிஸ்தானின் அதிக மக்கள் தொகை கொண்ட மாநிலமான பஞ்சாபின் முதல்வராக மூன்று முறை பதவி வகித்துள்ளார். அவர் மூன்று முறை பிரதம மந்திரியாக இருந்த நவாஸ் ஷெரீப்பின் இளைய சகோதரர், மறைந்த அமெரிக்க ஆதரவு சர்வாதிகாரி ஜெனரல் ஜியா-உல் ஹக்கின் முன்னாள் அரசியல் பாதுகாவலர் மற்றும் பாகிஸ்தான் முஸ்லிம் லீக் (நவாஸ்) அல்லது PML-N இன் நிறுவனரும் ஆவார். 2017 ஆம் ஆண்டில், பனாமா பேப்பர்கள் தொடர்பான ஊழல் வெளிப்பாடுகள் காரணமாக நவாஸ் ஷெரீப்பை பிரதமர் பதவியில் இருந்து விலகுமாறு உச்ச நீதிமன்றம் உத்தரவிட்டது, அடுத்த ஆண்டு அவருக்கு 10 ஆண்டுகள் சிறைத்தண்டனை விதிக்கப்பட்டது மற்றும் வாழ்நாள் முழுவதும் பொது பதவியில் இருக்க தடை விதிக்கப்பட்டது.

பாக்கிஸ்தானின் அரசாங்க மாற்றம் ஒரு பேரழிவு தரும் சமூகப் பொருளாதார நெருக்கடியால் துரிதப்படுத்தப்பட்டுள்ளது, அது வெகுஜன சமூக அமைதியின்மை என்ற அச்சத்தையும், பாக்கிஸ்தானின் வெளியுறவுக் கொள்கை மற்றும் புவி மூலோபாய கூட்டணி நிலை மீது ஆளும் வர்க்கத்துடனான கூர்மையான பிளவுகளையும் எழுப்பியுள்ளது.

திங்கட்கிழமை பிரதம மந்திரியாகத் தேர்ந்தெடுக்கப்பட்ட சிறிது நேரத்துக்குப் பின்னர், ஷேபாஸ் ஷெரீப் ஒரு தேசிய தொலைக்காட்சி உரையில் பாகிஸ்தானை முதலீட்டிற்கான 'சொர்க்கமாக' மாற்றுவதாக உறுதியளித்தார். அதே நேரத்தில், ஏறிச்செல்லும் விலைகள் மீதான வெகுஜன கோபத்தைத் தணித்து, அவரது அரசாங்கத்திற்கு சிறிது கால அவகாசத்தை பெறும் முயற்சியில், மாதாந்திர குறைந்தபட்ச ஊதியத்தில் 20 சதவீதம் அதிகரிப்பை 25,000 ரூபாய் அல்லது சுமார் 135 அமெரிக்க டாலர்களாக அறிவித்தார், மேலும் கோதுமை மாவு தற்காலிகமாக குறைந்த விலையில் கிடைக்கும் என்றும் உறுதியளித்தார். உத்தியோகபூர்வ பணவீக்க விகிதம் 15 சதவீதத்திற்கும் அதிகமாக உள்ளது மற்றும் கடந்த ஒன்பது மாதங்களில் அமெரிக்க டாலருக்கு நிகரான ரூபாய் மதிப்பு 20 சதவீதம் குறைந்துள்ளது. பல முதலாளிகள் தொழிலாளர் விதிமுறைகளை மீறும் ஒரு நாட்டில் குறைந்தபட்ச ஊதிய உயர்வு, வழங்கப்பட்டாலும் கூட, உணவு, எரிபொருள் மற்றும் பிற அடிப்படைத் தேவைகளின் சமீபத்திய விலை உயர்வுகளுக்கு தொழிலாள வர்க்கத்தின் ஏழ்மையான பிரிவினரால் ஈடுசெய்ய முடியாது.

நேற்று ஷேபாஸ் ஷெரீப் பொருளாதார நிபுணர்களை சந்தித்து, குறிப்பாக நாட்டின் வெளிநாட்டு நாணய இருப்பு அச்சுறுத்தல், தற்போது இரண்டு மாதங்களுக்கு மேற்படாத இறக்குமதிக்கு சமமாக, வறண்டு போயிருக்கும் பொருளாதார நெருக்கடி குறித்து கலந்துரையாடினார். ரூபாய் மதிப்பு மேலும் சரிவைத் தடுக்கும் முயற்சியில், பாக்கிஸ்தானின் மத்திய வங்கி கடந்த வியாழன் அன்று அதன் முக்கியக் கடன் விகிதத்தை 250 அடிப்படைப் புள்ளிகளால் 12.25 சதவீதமாக உயர்த்தியது, இது வட்டி விகித உயர்வு வணிக நடவடிக்கைகளைத் தடுக்கும் என வாதிடும் வணிகப் பிரிவுகளின் கோபமான கண்டனங்களைத் தூண்டியது.

சர்வதேச நாணய நிதியத்துடன் (IMF) பேச்சுவார்த்தைகளை மீண்டும் தொடங்குவதே புதிய அரசாங்கத்தின் முதல் முன்னுரிமை என்று ஷெரீப்பின் உதவியாளர்கள் தெளிவுபடுத்தியுள்ளனர். 6 பில்லியன் டாலர் IMF பிணை எடுப்புக்கு, கானும் அவரது PTI அரசாங்கமும் 2019 இல் முதன்முதலில் பேச்சுவார்த்தை நடத்தியதன் ஒரு பகுதியாக, முந்தைய அரசாங்கம் இரண்டு சுற்று காட்டுமிராண்டித்தனமான IMF சிக்கன நடவடிக்கையையும் 'கட்டமைப்பு மறுசீரமைப்பையும்' செயல்படுத்தியது, சமூகச் செலவுகள் மற்றும் அத்தியாவசியப் பொருட்களின் விலையில் மானியங்களைக் குறைத்தது மற்றும் பொதுத்துறை நிறுவனங்களை மொத்தமாக விற்பனை செய்தது.

IMF கட்டளையிட்ட 'சீர்திருத்தத்தின்' முதல் சுற்று 2019-2020 இல் வந்தது. இரண்டாவது, ஜனவரியில் ஏற்றுக்கொள்ளப்பட்டது, பிற்போக்கு வரி அதிகரிப்புகள் மற்றும் மானியக் குறைப்புக்கள் ஜூன் 30க்குள் 2 பில்லியன் டாலருக்கும் அதிகமான மதிப்புள்ள சேமிப்பை உருவாக்குவதை இலக்காகக் கொண்டவை. இருப்பினும், IMF, PML-N, மற்ற எதிர்க்கட்சிகள் மற்றும் பெருநிறுவன ஊடகங்களின் திகைப்புக்கு மத்தியில், மக்களின் கோபத்தைத் தணித்து தனது அரசாங்கத்தைக் காப்பாற்றும் நம்பிக்கையில் கான் கடந்த மாதம் எரிவாயு மற்றும் மின்சாரக் கட்டணங்களில் சில மானியங்களை மீண்டும் அறிமுகப்படுத்தினார்.

வாஷிங்டனுடன் இஸ்லாமாபாத்தின் மோசமான உறவுகளை மேம்படுத்துவதற்கும் ஷெரீப் முக்கிய முன்னுரிமை கொடுப்பார் என்று எதிர்பார்க்கப்படுகிறது. உண்மையில், வரவிருக்கும் அரசாங்கம் அமெரிக்காவிற்கு அதன் புவிசார் மூலோபாயத்தை வெளிப்படுத்தினால், அரசாங்கம் அதன் பொருளாதார 'சீர்திருத்த' கோரிக்கைகளில் சற்றே குறைவான சுமையுடன் இருக்க, அது ஆதிக்கம் செலுத்தும் IMF மீது வெற்றிபெறும் என்று நம்புகிறது.

சமீபத்திய வாரங்களில், உக்ரேன் மீது ரஷ்யா மீதான அமெரிக்க-நேட்டோ போரில் 'நடுநிலை' என்று அழைக்கப்படும் கானின் நிலைப்பாட்டை அது எதிர்த்ததை பாகிஸ்தான் இராணுவம் தெரியப்படுத்தியுள்ளது. பாக்கிஸ்தான் இராணுவம் பென்டகனுடன் நெருக்கமான நிறுவனமயமாக்கப்பட்ட கூட்டுறவைக் கொண்டுள்ளது, அது பனிப்போரின் ஆரம்ப ஆண்டுகள் வரை நீண்டுள்ளது. மேலும், உக்ரேன் போரில் இந்தியாவின் மூலோபாய இக்கட்டான நிலை, இஸ்லாமாபாத்திற்கு வாஷிங்டனின் ஆதரவைப் பெறுவதற்கான வாய்ப்பை வழங்குகிறது என பாகிஸ்தானிய முதலாளித்துவத்தின் பெரும் பிரிவுகளும் கணக்கிடுகின்றன.

பாகிஸ்தானின் வரலாற்றுப் போட்டியாளரான இந்தியாவை, வாஷிங்டனின் பிரதான தெற்காசிய மற்றும் இந்தியப் பெருங்கடல் நட்பு நாடாக வெகு காலத்திற்கு முன்பே மாற்றியது. மற்றும் சமீபத்திய ஆண்டுகளில் சீனாவிற்கு எதிரான அதன் இராணுவ-மூலோபாய தாக்குதலில் ஒரு உண்மையான அமெரிக்க முன்னணி அரசாக மாறியுள்ளது. எவ்வாறாயினும், இந்தியா ரஷ்யாவுடன் நெருக்கமான இராணுவ-பாதுகாப்பு, இராஜதந்திர மற்றும் பொருளாதார உறவுகளைத் தக்க வைத்துக் கொண்டுள்ளது, மேலும் வாஷிங்டன் மற்றும் அதன் நட்பு நாடுகளின் வலுவான அழுத்தம் இருந்தபோதிலும், ரஷ்யாவை 'ஆக்கிரமிப்பாளர்' என்று முத்திரை குத்தவும் மாஸ்கோவுடனான அதன் உறவுகளைக் குறைக்கவும் அவர்களின் கோரிக்கைகளுக்கு அடிபணிய மறுத்துவிட்டது.

அவரது அரசாங்கம் அகற்றப்படுவதற்கு சில வாரங்களுக்கு முன்பு, கான் 'வெளிநாட்டு சக்தி' தலையீடு பற்றி குற்றம் சாட்டினார், பின்னர் அதை அவர் அமெரிக்கா என்று பெயரிட்டார், அவரை பதவி நீக்கம் செய்வதற்கான முயற்சிகளின் பின்னணியில் இருப்பதாகவும், எதிர்க்கட்சிகள் அதற்கு ஒத்துழைப்பதாகவும் குற்றம் சாட்டினார்.

திங்கட்கிழமை தனது தேசிய உரையில் ஷெரீப், கானின் கூற்றுக்களை மறுபரிசீலனை செய்வதற்காக நாடாளுமன்ற தேசிய பாதுகாப்புக் குழுவில் கமரா விளக்கக்காட்சி நடத்தப்படும் என அறிவித்தார். 'எனக்கு எதிராக ஒரு துளி ஆதாரம் இருந்தால் நான் பதவி விலகுவேன்,' என்று அவர் வாய்மொழியாக அறிவித்தார்.

எதிர்க்கட்சிகள் அவரை பதவியில் இருந்து வெளியேற்றுவதைத் தடுக்கும் முயற்சியில், கான் பாராளுமன்ற மற்றும் அரசியலமைப்பு நெறிமுறைகள் மீது முரட்டுத்தனமாகப் பயன்படுத்தினார், நம்பிக்கையில்லாத் தீர்மானத்தை ஏப்ரல் 3 அன்று தேசிய சட்டமன்றத்தில் முதன்முதலில் கொண்டு வந்தபோது, துணை சபாநாயகர் உட்பட சட்டத்திற்குப் புறம்பாக அதைத் தீர்க்க முனைந்தனர், பின்னர் பாராளுமன்றத்தை கலைக்க ஜனாதிபதியால் உத்தரவிடப்பட்டது.

ஆட்சிக்கவிழ்ப்பு உட்பட இராணுவத்தின் வெளிப்படையான சட்ட விரோத நடவடிக்கைகளுக்கு பலமுறை அதன் சட்டப்பூர்வ அங்கீகாரத்தை வழங்கிய உச்சநீதிமன்றம், இந்த வழக்கில் துணை சபாநாயகரும் கானும் தங்கள் அதிகாரத்தை மீறியதாக தீர்ப்பளித்து, கடந்த வார இறுதியில் நம்பிக்கை வாக்கெடுப்பு நடத்த உத்தரவிட்டது.

புதிய அரசாங்கத்தை சட்டபூர்வமானதாக அங்கீகரிக்க மாட்டார் என்பதை கான் தெளிவுபடுத்தியுள்ளார், மேலும் அதை குறைமதிப்பிற்கு உட்படுத்தும் மற்றும் புதிய தேர்தலுக்கு அழுத்தம் கொடுக்கும் நோக்கத்துடன், அவரும் 100 க்கும் மேற்பட்ட PTI பாராளுமன்ற உறுப்பினர்களும் ஏற்கனவே தங்கள் பாராளுமன்ற உறுப்பினர் பதவிகளை இராஜினாமா செய்துள்ளனர்.

வலதுசாரி இஸ்லாமிய ஜனரஞ்சக PTIக்கான மக்கள் ஆதரவு கடந்த இரண்டு ஆண்டுகளில் கடுமையாக சரிந்துள்ளது. ஆயினும்கூட, கான், ஒரு காலத்தில் கிரிக்கெட் நட்சத்திரம் மற்றும் இஸ்லாமிய 'மதிப்புகள்' மற்றும் 'ஊழல்-எதிர்ப்புப் போராளி' ஆகியவற்றின் பாதுகாவலராக தன்னைத் தானே அறிவித்துக் கொண்டவர், நகர்ப்புற நடுத்தர வர்க்கத்தின் பிரிவினரிடையே தொடர்ந்து ஆதரவைப் பெறுகிறார். ஞாயிறு மாலை, நூறாயிரக்கணக்கான அவரது ஆதரவாளர்கள் நாடு முழுவதும் உள்ள முக்கிய நகரங்களில் ஆர்ப்பாட்டங்களில் இணைந்தனர்.

கான் வாஷிங்டனைத் தாக்கும் அதே வேளையில், அவர் தனது அரசாங்கத்தின் தோல்வியைத் திட்டமிட உதவியதற்காக அல்லது பென்டகனுடனான அதன் நெருங்கிய உறவுகளுக்காக இராணுவத்தை விமர்சிப்பதை வெளிப்படையாகத் தவிர்த்தார். இராணுவத்தின் ஆதரவை மீண்டும் வெல்ல முடியும் என கான் நம்புகிறார். இதேபோல், நம்பிக்கை வாக்கெடுப்புக்கு முன்னதாக கான் இராணுவத் தளபதியை பணி நீக்கம் செய்து இராணுவச் சட்டத்தை சனிக்கிழமை அறிவிக்க முயன்றதாக வெளியான தகவலை இராணுவம் மறுத்துள்ளது. ஜெனரல் கமர் ஜாவேத் பஜ்வாவை பதவி நீக்கம் செய்த கானின் உத்தரவை இரத்து செய்ய நீதிமன்றங்கள் தயாராக இருப்பதாக கூறப்படுகிறது.

பாக்கிஸ்தானிய முதலாளித்துவத்தின் இலாபத்தை மேம்படுத்துவதையும் பொருளாதார நெருக்கடியின் முழுச் சுமையையும் தொழிலாள வர்க்கம் ஒடுக்கப்பட்ட மக்கள் மீது சுமத்துவதையும் இலக்காகக் கொண்டு, செல்வாக்கற்ற நடவடிக்கைகளை அரசாங்கம் சுமத்த வேண்டிய நிலையில், அரசியல் ஸ்தாபகத்திற்குள் உள்ள கன்னை உட்பூசல்கள் ஏற்கனவே வெடிக்கும் சூழ்நிலையை அதிகப்படுத்தும் என்று ஆளும் வர்க்கத்திற்குள் பரவலான அச்சங்கள் உள்ளன.

இலங்கையைப் போலவே, அரசாங்கத்திற்கு எதிராக பாரிய போராட்டங்கள் வெடித்துள்ள நிலையில், பொருளாதார நிலைமைகள் பாகிஸ்தானிய மக்களில் பலருக்கு தாங்க முடியாததாகிவிட்டது. COVID-19 தொற்றுநோய் பற்றிய அதிகப்படியான இறப்பு மதிப்பீடுகள் 700,000 மக்களைக் கொன்றதாகக் கூறுகின்றன, இப்போது போர் பல்லாயிரக்கணக்கான மக்களை வறுமையில் ஆழமாக இட்டுச் செல்கிறது. 2021 ஆம் ஆண்டில், செல்வ சமத்துவமின்மை தரவுத் தளத்தின் படி, பாகிஸ்தானியர்களின் மேல் 1 சதவீதம் பேர் நாட்டின் செல்வத்தில் 25.8 சதவீதத்தை ஏகபோகமாகக் கொண்டிருந்தனர், அதே சமயம் கீழே உள்ள 50 சதவீதத்தினரின் பங்கு, ஐந்தில் ஒரு பங்காக, அதாவது 5.5 சதவீதமாக இருந்தது. கடந்த மாதம் பாகிஸ்தானின் Institute of Development Economics, பாகிஸ்தானிய இளைஞர்களில் 30 சதவீதத்திற்கும் அதிகமானோர் வேலையில்லாமல் இருப்பதாகத் தெரிவித்தது.

பேரழிவுகரமான பொருளாதார சூழ்நிலையின் மீதான வெகுஜன கோபத்தை, கானிடம் இருந்து அதிகாரத்தைப் பறிக்க எதிர்க் கட்சிகள் இழிந்த முறையில் முயன்றதைப் போலவே, IMF கோரிய சிக்கன நடவடிக்கைகளை, முன்பு கானுடைய சொந்த அரசாங்கத்தால் ஒப்புக்கொள்ளப்பட்டவை உட்பட, அவர்கள் அமுல்படுத்தும் போது, கான் அவர்களைக் கண்டித்து ஆதரவைத் திரட்ட முற்படுவார் என்று அவர்கள் இப்போது அஞ்சுகின்றனர்.

நிலைமையை மேலும் சிக்கலாக்கும் வகையில், ஷேபாஸ் ஷெரீப், பூட்டோ குடும்ப தலைமையிலான பாகிஸ்தான் மக்கள் கட்சி உட்பட, அவை பாரம்பரியமாக PML-N இன் கடுமையான போட்டியாளர்களாக உள்ளன, அவற்றில் சில சமீப காலம் வரை PTI தலைமையிலான கூட்டணி அரசாங்கத்தில் அங்கம் வகித்தன, இந்த கட்சிகள் அடங்கிய அரசாங்கத்தை ஒன்றாக இணைக்க வேண்டும். மேலும், இந்த கட்சிகள் அனைத்தும் அடுத்த ஆண்டு ஆகஸ்ட் மாதத்திற்குள் நடத்தப்பட வேண்டிய புதிய தேசிய தேர்தலுக்கு முன்னதாக பதவிக்களுக்கு போட்டியிடும்.

சந்தேகத்திற்கு இடமின்றி, கான் மற்றும் TTP தலைமையிலான அரசாங்கத்தை அகற்றுவதற்கான அவர்களின் முயற்சிகளில், பாகிஸ்தானின் இராணுவம் மற்றும் எதிர்ப்பை வாஷிங்டன் ஊக்குவித்தது மற்றும் ரஷ்யாவிற்கு எதிரான அதன் போர் பிரச்சாரத்தை இஸ்லாமாபாத் எதிரொலிப்பதை வரவேற்கும். ஆனால் அதன் முக்கிய அக்கறை, பெய்ஜிங்குடனான இஸ்லாமாபாத்தின் நெருங்கிய உறவுகளில் உள்ளது. சமீப ஆண்டுகளில் வளர்ந்து வரும் அமெரிக்க-இந்தியா கூட்டணியை ஈடுசெய்யும் முயற்சியில் பாகிஸ்தான் இந்த உறவுகளை வியத்தகு முறையில் விரிவுபடுத்தியுள்ளது. இது வாஷிங்டன் புது டெல்லிக்கு மேம்பட்ட அமெரிக்க-தயாரிப்பு ஆயுத அமைப்புகளை அணுகுவதையும் மற்றும் பாகிஸ்தானுக்குள் மோடியின் ஆத்திரமூட்டும், வெளிப்படையாக பதிலடி கொடுக்கும் 'அதிரடி இராணுவ தாக்குதல்களை' அங்கீகரிப்பதையும் கண்டது.

தேசத்தில் திங்கட்கிழமை ஆற்றிய உரையில், ஷெரீப் 60 பில்லியன் டாலர்கள் சீனா பாகிஸ்தான் பொருளாதார வழித்தடத்தை (CPEC) முன்னோக்கி நகர்த்த உறுதியளித்தார். பாக்கிஸ்தானிய முதலாளித்துவத்தைப் பொறுத்தவரை, CPEC மிகவும் அவசியமான பொருளாதார இலக்கு ஆகும், ஆனால் பெய்ஜிங்கிற்கு, பாக்கிஸ்தானிய அரேபிய துறைமுகமான குவாடாருக்கு குழாய், இரயில் மற்றும் நெடுஞ்சாலை இணைப்புகளை வழங்குவதன் மூலம், CPEC க்கு பெரும் மூலோபாய முக்கியத்துவத்தைக் கொண்டுள்ளது.

கானின் பிரதம மந்திரி பதவிக்கு மேல், கடந்த 16 மாத கால அவரது ஜனாதிபதி பதவியில், அமெரிக்க ஜனாதிபதி ஜோ பைடென் பாகிஸ்தான் அரசாங்கத் தலைவருடன் ஒருமுறை தொலைபேசியில் கூட பேச மறுத்துவிட்டார். திங்களன்று, வெள்ளை மாளிகையின் செய்தித் தொடர்பாளர் ஜென் சாகி வாஷிங்டன் 'பாகிஸ்தானுடன் ஒரு நீண்ட, வலுவான மற்றும் நிலையான உறவைக் கொண்டுள்ளது, அது ஒரு முக்கியமான பாதுகாப்பு உறவு' என்று அறிவித்தார். ஆனால் பைடென் பிரதம மந்திரி ஷேபாஸ் ஷெரீப்பை தொடர்புகொள்வாரா என்று கேட்கப்பட்டபோது, அவர் பதிலளிக்க மறுத்துவிட்டார், 'இந்த நேரத்தில் ஒரு அழைப்பின் கணிப்பு என்னிடம் இல்லை' என்றார்.