மொழிபெயர்ப்பின் மூலக் கட்டுரையை இங்கே காணலாம்

2021 ஜூன் 11 அன்று ஒரு வருடம் தாமதமாகத் தொடங்கிய 2020 UEFA (ஐரோப்பிய கால்பந்தாட்ட அமைப்பு) ஐரோப்பிய கால்பந்து கோப்பை அரையிறுதி கட்டத்தை எட்டியுள்ளது. முந்தைய ஐரோப்பிய கோப்பைகளில் ஒரே ஒரு நாடு மட்டுமே அனைத்து போட்டிகளையும் நடத்தியது. ஆனால் யூரோ 2020 ஐரோப்பா முழுவதும் 11 வெவ்வேறு நகரங்களில், ஸ்பெயினின் செவில் (Seville) முதல் ஆஜர்பைஜானின் பாகு (Baku) வரை 24 தேசிய அணிகள் விளையாடுகின்றன.

COVID-19 தொற்று அதிகரிக்கும் அதேநேரம் போட்டிகளில் 800,000 க்கும் மேற்பட்ட ரசிகர்கள் கலந்து கொண்டனர். கலந்து கொண்டவர்களில் பலர் தங்கள் அணி விளையாட்டைக் காண நூற்றுக்கணக்கான அல்லது ஆயிரக்கணக்கான மைல்கள் பயணம் செய்தனர்.

அடுத்த வார அரையிறுதி மற்றும் இறுதி போட்டிகளில் லண்டனின் வெம்ப்லி மைதானத்தில் (Wembley stadium) 60,000ற்கு மேற்பட்ட ரசிகர்கள் ஒவ்வொரு போட்டியையும் காண கலந்து கொள்ள உள்ளனர், இந்நிலைமையானது பிரிட்டன் மூன்றாவது கொரோனா வைரஸின் அலையின் பாதிப்பானது இது மிகவும் ஆபத்தான மற்றும் தொற்று டெல்டா மாறுபாட்டால் மேலும் அதிகரிக்கும்.

வெம்ப்லி மைதானத்தில் ஜேர்மனிக்கு எதிராக இங்கிலாந்தின் 16 வது சுற்று வெற்றியின்போது, 40,000 க்கும் மேற்பட்ட ரசிகர்கள் கலந்து கொண்டனர், அரங்கங்களுக்குள் சமூக இடைவெளியானது 'உத்தியோகபூர்வமாக' நடைமுறைப்படுத்திய போதிலும், ஆயிரக்கணக்கில் வீடுகளில் ரசிகர்கள் கூட்டாக வெற்றி கொண்டாட்டங்களில் ஈடுபட்டனர். இப்போட்டிகளில் அதிக வருவாயை அரசாங்கம் பெற்றுக்கொண்டது, மேலும் ஆளும் வர்க்கத்தின் “இயல்பு நிலைக்குத் திரும்பும்” கொள்கையினை ஊக்குவிக்கும் முயற்சியின் ஒரு பகுதியாக சமூக இடைவெளி நடவடிக்கைகளை மீறும் கொண்டாட்டங்களை ஊடகங்கள் ஊக்குவித்தன.

புதன்கிழமை வெம்ப்லி மைதானத்தில் டென்மார்க்குக்கு எதிராக அரையிறுதி ஆட்டத்தில் விளையாடும் இங்கிலாந்து அணியின் வலுவான போட்டிக்கு பிரிட்டனின் கன்சர்வேடிவ் அரசாங்கமும் ஆதரவை வழங்குகிறது. 152,000 க்கும் அதிகமான இறப்புகளுக்கு காரணமான அரசாங்கத்தின் கொடிய சமூக நோய் எதிர்ப்பு சக்தி பெருக்கும் கொள்கையானது தேசியவாதத்தை தூண்டுவதும் இப் பாரியஅழிவுகளை திசை திருப்புவதுமே இதன் நோக்கம், இக்கொடிய நோய் காலத்தில் இறந்தவர்களின் மரண சான்றிதழில் COVID-19 ஐ ஒரு பிரதான காரணமாகக் குறிப்பிடவில்லை. சனிக்கிழமையன்று, பிரதம மந்திரி போரிஸ் ஜோன்சன் டவுனிங் தெரு முழுவதும் ஒரு பெரிய ஆங்கிலக் கொடியின் முன் நின்று, அன்று மாலை உக்ரேனுக்கு எதிரான கால் இறுதிக்கு (quarter-final) முன்னதாக பிரித்தானிய அணிக்கு தனது ஆதரவை வழங்கினார்.

சனிக்கிழமையன்று, இங்கிலாந்தில் ஏழு நாட்களில் சராசரியாக 23,115 தொற்றுக்கள் இருந்தன, இது ஒரு வாரத்திற்கு முன்பு 13,835 ஆக இருந்தது. பிரிட்டிஷ் மருத்துவ சங்கத்தின் கூற்றுப்படி, பிரிட்டனில் COVID-19 மருத்துவமனையில் சேர்க்கப்பட்டவர்கள் எண்ணிக்கை இந்த காலகட்டத்தில் 55 சதவீதமாக கூடியுள்ளது. ஜூன் 30 அன்று மட்டும், இங்கிலாந்து COVID-19 நோய்க்காக 331 புதிய நோயாளிகள் மருத்துவமனையில் அனுமதிக்கப்பட்டனர், இது மார்ச் 18 க்குப் பின்னர் அதிக எண்ணிக்கையில் உள்ளது. பிரிட்டனில் டெல்டா மாறுபாட்டின் பரவல் ஐரோப்பிய கண்டத்தில் என்ன நடக்கும் என்பதற்கான எச்சரிக்கையாகும், அத்தோடு இங்கு இன்னும் குறைந்த தடுப்பூசி வழங்கும் விகிதத்தையே கொண்டுள்ளது.

மற்ற ஐரோப்பிய நாடுகளுடன் ஒப்பிடும்போது லண்டன் அதன் அதிக தடுப்பூசி வழங்கும் விகிதத்தைப் பயன்படுத்தி, அதன் சமூக நோய் எதிர்ப்பு சக்தி பெருக்கும் கொள்கையின் தவறான, விஞ்ஞான எதிர்ப்பு பகுத்தறிவை அளிக்கிறது. ஜூலை 19 ம் தேதி அனைத்து சமூக இடைவெளி கட்டுப்பாடுகளையும் முன்கூட்டியே முடிவுக்கு கொண்டுவருவதை நோக்கமாகக் கொண்ட புதிய சுகாதார செயலாளர் சஜித் ஜாவிட், ஞாயிற்றுக்கிழமை மெயிலுக்கு ஒரு திறந்த பதிப்பில், பிரெஞ்சு ஜனாதிபதி இமானுவல் மக்ரோனின் கொலைகார மந்திரமான 'வைரசுடன் வாழ கற்றுக்கொள்ள வேண்டும்' என்பதை பிரிட்டிஷ் மக்களிடம் கூறினார்.

ஐரோப்பாவில் வைரஸின் மீள் எழுச்சி, 2020 ஐரோப்பிய கோப்பையால் மட்டும் அதிகரிக்கவில்லை, ஐரோப்பிய ஒன்றியத்தின் (EU) மக்கள் தொகையில் 39.7 சதவீதம் பேர் மட்டுமே இரண்டு அளவு (two doses) தடுப்பூசியை பெற்றுள்ளனர். ரஷ்யா மற்றும் ஐரோப்பிய ஒன்றியம் அல்லாத பிற நாடுகள் உட்பட பரந்த ஐரோப்பிய பகுதியில், 2020 ஐரோப்பிய கோப்பையில் விளையாடிய பலவற்றில், 24 சதவீதம் பேருக்கு மட்டுமே தடுப்பூசி போடப்பட்டுள்ளதாக உலக சுகாதார அமைப்பு (WHO) தெரிவித்துள்ளது. கண்டத்தின் முதியவர்களில் பாதி பேர் பாதுகாப்பற்ற நிலையில் உள்ளனர், சுமார் 40 சதவீத சுகாதார ஊழியர்களும் தடுப்பூசி கிடைக்காமல் பாதுகாப்பற்றவர்களாக உள்ளனர்.

வியாழக்கிழமை, ஐரோப்பாவிற்கான WHO பிராந்திய இயக்குனர் டாக்டர் ஹான்ஸ் ஹென்றி க்ளூக் (Dr Hans Henri Kluge) எச்சரித்தார்: “ஆகஸ்ட் மாதத்திற்குள், ஐரோப்பிய பிராந்தியத்தில் ‘டெல்டா ஆதிக்கம் செலுத்தும்’; ஆனால் ஆகஸ்ட் மாதத்திற்குள், இப்பகுதி முழுமையாக தடுப்பூசி போடப்படாது (63 சதவீத மக்கள் இன்னும் தங்கள் முதல் அளவுக்காக (dose) காத்திருக்கிறார்கள்); ஆகஸ்ட் மாதத்தில் அதிகரிக்கும் பயணங்கள் மற்றும் கூட்டங்களுடன் கட்டுப்பாடற்ற நிலைமை, ஐரோப்பிய பிராந்தியமானது இன்னும் நோய் அதிகரிக்க காரணமாக இருக்கும்.”

க்ளூக் மேலும் கூறுகையில், 'இலையுதிர்காலத்திற்கு முன்னர் ஒரு புதிய அலைவரிசை மற்றும் இறப்புக்கான மூன்று நிபந்தனைகள் நடைமுறையில் உள்ளன: புதிய மாறுபாடுகள், தடுப்பூசி எடுப்பதில் பற்றாக்குறை, அதிகரித்த கூட்டமாக சேர்தல்.' ஐரோப்பா முழுவதும் தொற்றுக்கள் 10 வாரங்கள் வீழ்ச்சியடைந்திருந்தது, கடந்த வாரம் தொற்றுகளின் எண்ணிக்கை 10 சதவீதம் உயர்ந்தது என்று க்ளூக் தெரிவித்தார்.

2020 ஐரோப்பிய கோப்பை விளையாட்டுகள் “சூப்பர்-ஸ்ப்ரெடர்” நிகழ்வுகளாக செயல்படுகின்றனவா என்று ஒரு நிருபரிடம் கேட்டதற்கு, க்ளூக் எச்சரிக்கையுடன் பதிலளித்தார்: “நான் நம்பவில்லை… ஆனால் அதை நிராகரிக்கவும் முடியாது.”

உண்மையில், வைரஸ் பரவுவதற்கு அரங்கங்களும் (stadiums) முக்கிய காரணம் என்பது ஏற்கனவே தெளிவாக உள்ளது:

• இங்கிலாந்துக்கு எதிரான ஸ்காட்லாந்தின் விளையாட்டுக்காக லண்டனுக்குச் சென்ற ஸ்காட்டிஷ் ரசிகர்களிடையே 1,300 தொற்றுக்கள் இருப்பதாக பொது சுகாதார ஸ்காட்லாந்து அமைப்பு தெரிவித்துள்ளது.

• ரஷ்யாவிற்கு எதிரான பின்லாந்தின் விளையாட்டுக்காக சென்ட் பீட்டர்ஸ்பர்க்கிற்கு (St. Petersburg) பயணித்த ரசிகர்களிடையே கிட்டத்தட்ட 100 உறுதிப்படுத்தப்பட்ட தொற்றுகள் இருந்ததாக பின்லாந்து சுகாதார அதிகாரிகள் தெரிவித்தனர் இது ஜூலை 1 அன்று 115 COVID-19 இறப்புகளைக் கண்டது.

• கோபன்ஹேகனில் நடந்த ஒரு போட்டியின் பின்னர் மூன்று ரசிகர்களுக்கு டெல்டா மாறுபாடு சோதனை உறுதிசெய்த பின்னர் 4,000 பேருக்கு தொற்றுக்கான சோதனை டேனிஷ் அதிகாரிகள் நடத்தினர்.

ஆங்கிலேய, சுவீடிஷ், ஸ்பானிஷ், ஸ்காட்டிஷ் மற்றும் ஸ்லோவாக்கிய தேசிய கால்பந்து அணிகள் அனைத்தும் போட்டிகளுக்கான தயாரிப்பிலோ அல்லது போட்டிகளிலோ தொற்றுநோய்க்கான பதிவு செய்துள்ளன.

அரங்கங்கள் ஒரு முக்கிய தொற்று பரவல் இடமாக இருந்தாலும், யூரோ 2020 உடன் நோய்த்தொற்றுகள் ஏற்படும் இடங்கள் இவை மட்டுமல்ல. WHO ஐரோப்பாவின் மூத்த அதிகாரி கேத்தரின் ஸ்மால்வுட் (Catherine Smallwood) மைதானத்திற்கு பயணம் செய்வது குறித்து கவலைகளை எழுப்பினார், “மக்கள் அங்கு எப்படி வருகிறார்கள்? அவர்கள் பேருந்துகளின் பெரிய கூட்டங்களில் பயணம் செய்கிறார்களா? அவர்கள் அதைச் செய்யும்போது தனிப்பட்ட நடவடிக்கைகளை எடுக்கிறார்களா? ” பார்கள் (bars), “ரசிகர்கள் கூட்டமாக” மற்றும் தனியார் குடியிருப்புகளில் விளையாட்டுகளைப் பார்ப்பதற்காக ரசிகர்களின் பெரிய கூட்டத்தால் தொற்று விகிதங்கள் அதிகரிக்கின்றன.

”ஜெனீவா பல்கலைக்கழகத்தின் உலகளாவிய சுகாதார நிறுவனத்தின் இயக்குனர் அன்டோயின் ஃப்ளாஹால்ட் (Antoine Flahault) AFP உடன் பேசியபோது, “நாங்கள் டெல்டா மாறுபாட்டை ஐரோப்பா முழுவதும் பரப்ப விரும்பினால், இதுதான் வழி” என்று கூறினார்.

நோய்த்தொற்றுகள் துரிதப்படுத்தப்படுவதால், ஆளும் வர்க்கத்தின் பிரிவுகள் பல்லாயிரக்கணக்கான ரசிகர்கள் கலந்துகொண்டு போட்டியை முன்னெடுத்துச் செல்வதற்கான முடிவிலிருந்து தங்களைத் தூர விலக்குகின்றன. ஜோன்சனுடனான ஒரு கூட்டு செய்தியாளர் கூட்டத்தில், ஜேர்மன் சான்ஸ்லர் அங்கேலா மேர்க்கெல், வெம்ப்லியில் 60,000 ரசிகர்கள் 'சற்று அதிகமாக இருக்கலாம்' என்று 'மிகவும் கவலைப்படுவதாக' கூறினார்.

ஜூன் 29 ஆம் தேதி ஜேர்மனி-இங்கிலாந்து போட்டியில் 42,000 ரசிகர்களுடன் நடத்த எடுத்த UEFA முடிவை மேர்க்கெலின் உள்துறை மந்திரி ஹார்ஸ்ட் சீஹோஃபர் 'முற்றிலும் பொறுப்பற்றது' என்றும், மீண்டும் வர்த்தகம் குறித்த சந்தேகம் எனக்கு உள்ளது.' என கூறியதைத் தொடர்ந்து இது வந்தது:

மேர்க்கெல் மற்றும் சீஹோஃபர் ஆகியோர் ஜோன்சனின் வெட்கக்கேடான “சமூக நோய் எதிர்ப்பு சக்தி பெருக்கும்” கொள்கையிலிருந்து தங்களைத் தூர விலக்கிக் கொள்ள முயற்சிக்கின்றனர், இருப்பினும் அவர்கள் இதே கொடிய கொள்கையை தவிர மற்ற அனைத்தையும் பின்பற்றினர் குறிப்பாக ஜேர்மனியில் பள்ளிகள் மற்றும் வணிகங்களை முன்கூட்டியே மீண்டும் திறக்க கட்டாயப்படுத்தியது, இது 91,032 இறப்புகளுக்கு வழிவகுத்தது.

எவ்வாறாயினும், யூரோ 2020 உடன் UEFA எடுத்த முடிவு சந்தேகத்திற்கு இடமின்றி ஐரோப்பாவின் பல பில்லியன் டாலர் ஊடகங்கள் மற்றும் விளையாட்டு நிறுவனங்களின் இலாப நலன்களால் தீர்மானிக்கப்பட்டது. insideworldfootball.com இன் படி, யூரோ 2020 இலிருந்து வருவாய் 2.5 பில்லியன் டாலர்களை தாண்டும் என்று எதிர்பார்க்கப்படுகிறது. யூரோ 2016 இல், UEFA 1.92 பில்லியன் டாலர் வருவாயிலிருந்து 847 மில்லியன் டாலர் இலாபம் ஈட்டியது. டிக்கெட் விற்பனையின் புள்ளிவிவரங்கள் தற்போது யூரோ 2020 க்கு கிடைக்கவில்லை என்றாலும், பிரான்சில் நடைபெற்ற யூரோ 2016, ரசிகர்கள் கலந்து கொள்வதிலிருந்து 269 மில்லியன் யூரோக்கள் வருவாயை பெற்றது.

இதே போன்ற நிதி கணக்கீடுகள்தான் பிரேசிலில் யூரோ 2020 நடக்கும் அதே நேரத்தில் நடந்த கோபா அமெரிக்கா (Copa América) கால்பந்து போட்டியை விளையாடுவதற்கான முடிவின் பின்னணியில் இருந்தன. பிரேசிலின் பாசிசவகைப்பட்ட ஜனாதிபதி ஜெய்ர் போல்சனாரோ, 'மரணங்களுக்கு வருந்துகிறேன், ஆனால் நாங்கள் வாழ வேண்டும்' என்று கூறி போட்டியை நடத்துவதற்கான கொடிய முடிவை நியாயப்படுத்தினார்.

இந்த போட்டிக் காலத்தில் பிரேசில் சராசரியாக 1,500 தினசரி இறப்புகளைக் கண்டுள்ளது, இப்போது உத்தியோகபூர்வமாக 523,000 COVID-19 இன் இறப்புகள் பதிவாகியுள்ளது.

வைரஸின் பெருமளவிலான எழுச்சியை எதிர்கொள்வதற்கு தேவையான பாதுகாப்பு நடவடிக்கைகள் இல்லாமல் யூரோ 2020 ஐ நடாத்த UEFA எடுத்த முடிவு, மில்லியன் கணக்கான ஐரோப்பிய கால்பந்து ரசிகர்களின் உயிர் பற்றிய நிதியப் பிரபுத்துவத்தின் அலட்சியத்தை அம்பலப்படுத்துகிறது. ஐரோப்பா முழுவதிலும் உள்ள முதலாளித்துவ அரசாங்கங்கள் இந்த போட்டியை மக்கள் தொகையில் தடையின்றி வைரஸ் பரவுவதை அனுமதிப்பதை அடிக்கோடிட்டுக் காட்டுகிறது.