2026 ஆகஸ்ட் 10 அன்று, ரஷ்யாவுக்கு எதிரான அமெரிக்க-நேட்டோ போரை எதிர்க்கும் 27 வயதான ட்ரொட்ஸ்கியவாதியான போக்டன் சிரோட்டியுக்கிற்கு, இராணுவச் சட்டத்தின் கீழ் “பெரும் தேசத்துரோகம்” செய்ததாகக் குற்றஞ்சாட்டி உக்ரேனிய நீதிமன்றம் 15 ஆண்டுகள் சிறைத்தண்டனை விதித்தது. அவரது சொத்துக்களைப் பறிமுதல் செய்வதற்கும், அவர் சார்ந்த போல்ஷிவிக்-லெனினிஸ்டுகளின் இளம் காவலர் (YGBL) அமைப்பின் வேலைத்திட்டம், துண்டுப்பிரசுரங்கள் மற்றும் பிரசுரங்களை அழிப்பதற்கும் நீதிமன்றம் உத்தரவிட்டுள்ளது.
2026 ஆகஸ்ட் 10 அன்று, ரஷ்யாவுக்கு எதிரான அமெரிக்க-நேட்டோ போரை எதிர்க்கும் 27 வயதான ட்ரொட்ஸ்கியவாதியான போக்டன் சிரோட்டியுக்கிற்கு, இராணுவச் சட்டத்தின் கீழ் “பெரும் தேசத்துரோகம்” செய்ததாகக் குற்றஞ்சாட்டி உக்ரேனிய நீதிமன்றம் 15 ஆண்டுகள் சிறைத்தண்டனை விதித்தது. அவரது சொத்துக்களைப் பறிமுதல் செய்வதற்கும், அவர் சார்ந்த போல்ஷிவிக்-லெனினிஸ்டுகளின் இளம் காவலர் (YGBL) அமைப்பின் வேலைத்திட்டம், துண்டுப்பிரசுரங்கள் மற்றும் பிரசுரங்களை அழிப்பதற்கும் நீதிமன்றம் உத்தரவிட்டுள்ளது.
போக்டன் எந்தக் குற்றமும் செய்யவில்லை. அவருக்கு எதிராக முன்வைக்கப்பட்ட ஒரே ஆதாரம், உலக சோசலிச வலைத் தளத்தில் வெளியிடப்பட்ட ஆறு கட்டுரைகளும், அவற்றை வெளியிட்ட ஆசிரியர்களுடன் அவர் மேற்கொண்ட தொடர்புகளுமே ஆகும். ஒரு சோசலிச வெளியீட்டிற்காக எழுதுவது தேசத்துரோகமாக அறிவிக்கப்பட்டுள்ளது.
2024 ஏப்ரல் 25 அன்று உக்ரேன் பாதுகாப்பு சேவையால் போக்டன் கைது செய்யப்பட்டபோது, அவர் ரஷ்ய அரசாங்கத்தின் முகவர் என்று அரசு குற்றஞ்சாட்டியது. இரண்டு ஆண்டுகளுக்கும் மேலாகியும், அந்தக் குற்றச்சாட்டை ஆதரிப்பதற்கு எந்தவித ஆதாரமும் முன்வைக்கப்படவில்லை. தீர்ப்பில் மேற்கோள் காட்டப்பட்ட கட்டுரைகளே, ரஷ்யாவின் படையெடுப்பையும் புட்டின் ஆட்சியையும் போக்டன் எதிர்த்ததைத் தெளிவாக எடுத்துக்காட்டுகின்றன. உக்ரேனின் முன்னணி குற்றவியல் ஆய்வாளர்களில் ஒருவரான யூரி இர்கின் தயாரித்த 65 பக்க அறிக்கை, போக்டானின் எழுத்துக்களில் “ரஷ்ய கூட்டமைப்பின் இராணுவ ஆக்கிரமிப்பை ஆதரிப்பதை நோக்கமாகக் கொண்ட பிரச்சாரத்தின் அறிகுறிகளைக் கொண்ட அறிக்கைகள், சொற்றொடர்கள், வாக்கியங்கள் அல்லது சொற்களின் சேர்க்கைகள் எதுவும்” இல்லை என்று கண்டறிந்தது. நீதிமன்றம் இதற்கு ஒருபோதும் பதிலளிக்கவில்லை.
இந்தத் தீர்ப்புக்கு எதிராக மேல்முறையீடு செய்யப்படும். உக்ரேனிய சட்டத்தின்படி, மேல்முறையீடு 30 நாட்களுக்குள் தாக்கல் செய்யப்பட வேண்டும். ஐரோப்பிய மனித உரிமைகள் நீதிமன்றம் 2025 வசந்த காலத்தில் போக்டனின் வழக்கை ஏற்றுக்கொண்டது.
போக்டனின் உயிருக்கு ஆபத்து உள்ளது. அவர் கைது செய்யப்பட்டபோதே உடல்நலம் மோசமாக இருந்தது. சிறை நிர்வாகம் மீண்டும் மீண்டும் உறுதியளித்த போதிலும், ஓராண்டுக்கும் மேலாக அவருக்குத் தேவையான அவசர மருத்துவ சிகிச்சை மறுக்கப்பட்டு வருகிறது. சிறைகளில் அதிக நெரிசல், மருத்துவப் பராமரிப்பு மறுக்கப்படுதல் மற்றும் காவலில் ஏற்படும் மரணங்கள் அதிகரித்து வருவது குறித்து ஐக்கிய நாடுகள் சபையும் ஐரோப்பிய கவுன்சிலும் ஆவணப்படுத்தியுள்ள நிலையில், 15 ஆண்டுகள் சிறைத்தண்டனை என்பது மரண தண்டனைக்கு நிகரானதாகும்.
போக்டன் சிரோட்டியுக்கிற்கு எதிரான தீர்ப்பை இரத்து செய்து, அவரை உடனடியாக விடுதலை செய்ய வேண்டும் என்று கோருகிறோம்!
போக்டன் சிரோட்டியுக்கை விடுவிப்பதற்கான உலகளாவிய போராட்டத்தில் இணைந்து கொள்ள உங்கள் தகவலை இங்கே சமர்ப்பிக்கவும்.
இன்றே உங்களது நன்கொடை மூலம் இந்தப் பிரச்சாரத்தை ஆதரிக்கவும்.
போக்டன் சிரோட்டியுக்கிற்கு விதிக்கப்பட்ட இந்தத் தண்டனையானது, ரஷ்யாவிற்கு எதிராக நேட்டோ ஆதரவுடன் தொடுக்கப்பட்டுவரும் போருக்கு எதிரான எதிர்ப்பை அச்சுறுத்துவதை இலக்காகக் கொண்டுள்ளது.
இஸ்தான்புல், பாரிஸ், லண்டன், பேர்லின், வாஷிங்டன் டி.சி., டொராண்டோ, கான்பெரா மற்றும் சிட்னி ஆகிய இடங்களில் நடந்த சர்வதேச மறியல் போராட்டங்கள் என்பன, போக்டானின் விடுதலை மற்றும் ஏகாதிபத்திய போருக்கு முடிவு கட்டுவதற்கு ஒரு சர்வதேச தொழிலாள வர்க்க பிரச்சாரத்தை கட்டியெழுப்புவதில் ஒரு முக்கியமான படியைக் குறிக்கின்றன.
ஜூன் 13, வியாழன் அன்று, சோசலிச சமத்துவக் கட்சி மற்றும் உலக சோசலிச வலைத் தளத்தின் சர்வதேச ஆசிரியர் குழுவிடமிருந்து பின்வரும் கடிதம் வாஷிங்டன் டி.சி.யில் உள்ள உக்ரேனின் தூதுவர் ஒக்ஸானா மார்க்கரோவாவுக்கு வழங்கப்படும்.
ஏப்ரல் 25 வியாழக்கிழமையன்று, பாசிசவாத செலென்ஸ்கி ஆட்சிக்கும் நேட்டோவால் தூண்டப்பட்ட உக்ரேன்-ரஷ்யா போரிற்கும் எதிரான ஒரு சோசலிச எதிர்ப்பாளரான போக்டன் சிரோடியுக் தெற்கு உக்ரேனில் உள்ள அவரது சொந்த ஊரான பெர்வோமைஸ்க்கில் (Pervomaisk) உக்ரேனின் பாதுகாப்பு சேவை (SBU) ஆல் கைது செய்யப்பட்டுள்ளார்.
