පලමු ලෝක යුද්ධයේ විලෝපනය මැද, 1917 වසරේ ඔක්තෝබර් මාසයේ දී, ව්ලැද්මීර් ලෙනින් සහ ලියොන් ට්‍රොට්ස්කි විසින් මෙහෙය වනු ලැබූ බොල්ෂෙවික් පක්ෂයේ නායකත්වයේ යටතේ රුසියාවේ කම්කරු පන්තිය ඇලෙක්සැන්ඩර් කෙරෙන්ස්කි නායකත්වය දුන් තාවකාලික ධනේශ්වර ආන්ඩුව බලයෙන් පහ කර ලෝක ඉතිහාසයේ ප්‍රථම කම්කරු රාජ්‍යය ස්ථාපිත කලහ. මාස නවයකටත් අඩු කාලයකට මත්තෙන් රුසියාව පාලනය කරනු ලැබුනේ දෙ වැනි නිකොලස් සාර් විසින් නායකත්වය සැපයුනු රාජකීය පරම්පරාවකිනි. විප්ලවය අධිරාජ්‍යවාදී යුද්ධයේ අවසානයේ ආරම්භය විය.
රුසියානු විප්ලවය ලෝක ඉතිහාසයේ නව අදියරක් සනිටුහන් කලේ ය. ධනේශ්වර තාවකාලික ආන්ඩුව බලයෙන් පහ කර දැමීම ධනවාදයට විකල්පයක් ඇත යන්න මනෝරාජික සිහිනයක් නොවේ ය යන්නත්, එය කම්කරු පන්තිය දැනුවත් ව කරන දේශපාලන අරගලයකින් සාක්ෂාත් කර ගත හැක්කක් ය යන්නත් සනාථ කලේ ය. ස්ටැලින්වාදී නිලධරයේ පාවා දීම් සහ අපරාධ හේතු කොට ගෙන සෝවියට් සංගමය අවසානයේ ඛේදජනක ඉරනමකට මුහුන පෑව ද පසුගිය සියවස තුල ලෝකයේ හැම අස්සක් මුල්ලක් නෑර ම මිලියන සිය ගනන් ජනතාවන්ගේ ජීවිතවලට එය තරම් පෙරලීකාරී, ප්‍රගාඪ සහ අර්ථභාරී බල පෑමක් සිදු කල අන් ඓතිහාසික ඉසවුවක් නැත.
පාඨක ඔබට, ලෝක සමාජවාදී වෙබ් අඩවිය වසර 20කට අධික කාලයක් පුරා, රුසියානු විප්ලවයේ අර්ථභාරයත් එහි පාඩමුත් ලොව පුරා එහි බලපෑමත් විභාග කරමින් පල කල ලිපි සහ දේශන ගනනාවක් මෙම පිටුව හරහා හැදෑරීමට අවස්ථාව සැලසෙනු ඇති.
1917 රුසියානු විප්ලවය ලෝක ඉතිහාසයේ ඉතාමත් ම වැදගත් සිදුවීම් ගනයේ ලා ගැනෙන්නකි. බොල්ෂෙවික් පක්ෂය බලයට පැමින සිය වසරක් ඇවෑමෙන් පසුත් විප්ලවය ගැන තවමත් පවතින කටුක මතබේද එහි දිගුකාලීන බලපෑමත් අදාලත්වයත් සම්බන්ධයෙන් සාක්ෂ්‍ය දරයි.
1905 විප්ලවය ඉතිහාසයට එක් ව ඇත්තේ 1917 වසරේ සිදු වීම් සඳහා “අවසන් පෙරහුරුව” වශයෙනි. විසි වැනි සියවසේ ප්‍රථම දැවැන්ත විප්ලවවාදී නැගිටීම වූ 1905 විප්ලවයෙන් උකහා ගත් පාඩම් ලියොන් ට්‍රොට්ස්කිගේ නොනවතින විප්ලව න්‍යාය විස්තාරනයට පදනම සැපයී ය.
ධනේශ්වර ජාතික රාජ්‍ය පද්ධතියේ ගැඹුරට ම මුල් බැස ඇති ප්‍රතිවිරෝධතාවන් හේතු කොට ගෙන 1914 වසරේ අගෝස්තුවේ දී පලමු ලෝක යුද්ධය පුපුරා ගියේ ය. දෙ වැනි ජාත්‍යන්තරයේ අවස්ථාවාදී නායකයෝ ජාත්‍යන්තර කම්කරු පන්ති සහෝදරත්වයේ මූලධර්ම පාවාදුන් අතර යුද්ධයට අනුගත වූහ.
ට්‍රොට්ස්කි පැවසූ පරිදි, විප්ලවයට නායකත්වය දුන්නේ “බොහෝ කොට ම ලෙනින්ගේ පක්ෂය විසින් උගන්වා පන්නර ගැන් වූ දැනුවත් කම්කරුවන් විසින් ය”.
1917 අප්‍රේල් වල දී,ලෙනින් පැහැදිලි ව ම කම්කරු රාජ්‍යයක් පිහිටු වීම සඳහා ඉදිරිපත් වූ අතර එය ඉඩම් ප්‍රතිසංස්කරන සහ ප්‍රජාතන්ත්‍රවාදය ක්‍රියාත්මක කිරීම මගින් ගොවීන් බහුතරයගේ සහයෝගය දිනා ගෙන, එය පවත්වා ගනු ඇත.
රජය සහ විප්ලවය කෘතිය, තාවකාලික රජය පෙරලා දැමීමත් සොවියට් සභා අතට බලය ගැනීමත් පක්ෂය සහ සමස්තයක් වශයෙන් කම්කරු පන්තිය ම න්‍යායාත්මක ව සන්නද්ධ කිරීම ඉලක්ක කරගති.
බොල්ෂෙවික් පක්ෂය දේශපාලනික ව සවිඥානික මහජන ව්‍යාපාරයකට නායකත්වය දුන්නේ ය. මෙම ව්‍යාපාරයෙහි බලපෑම කාලය සහ භූගෝලය සිසාරා සමාන්තරයන්ගෙන් තොර ව ව්‍යාප්ත විය. එය ලෝක ඉතිහාසයේ මෙතෙක් පැවති බලගතු ම හා ප්‍රගතිශීලී ම ව්‍යාපාරය විය. 21 වන සියවසේ අභියෝගයන්ට මුහුන දීම සඳහා පෙරට එන ජාත්‍යන්තර කම්කරු පන්තියට ඊටත් වඩා දුර යා යුතුය; යා හැකි ය.
ඔක්තෝබර් නැගිටීම ආසන්නයේ බොල්ෂෙවික් පක්ෂය තුල ඇති වූ අර්බුදය විමසා බැලීමේ දී, විප්ලවවාදී පක්ෂයේ විතැන් කල නොහැකි කාර්යය පිලිබඳ ව සමීප ව විභාග කෙරුනු අතර, එය අපට අද දිනයේ අප පක්ෂය සහ එහි කේඩරය මුහුන දෙන කාර්යයන් පිලිබඳ ව පරිපූර්න අවබෝධයක් ලබා ගැනීමට ඉඩ ප්‍රස්‍ථාව සපයයි.
ලෙනින් සහ ට්‍රොට්ස්කි විසින් වර්ධනය කෙරුනු ලෝක සමාජවාදී විප්ලවයේ ක්‍රියාමාර්ගය, යුරෝපයේ යුද්ධය පුපුරා යාම සමග ආරම්භ වූ පද්ධතිගත කඩා වැටීමට දැක්වූ එකම ශක්‍ය මූලෝපායාත්මක ප්‍රතිචාරය විය.
ඩේවිඩ් නෝර්ත් සහ ව්ලැදිමීර් වොල්කොව් විසිනි
මිනිසුන්ගේ යහපත් ක්‍රියා බොහෝ විට ඔවුන්ගේ ඇටකටු සමග වලලනු ලැබේ. ඔවුන් කල අයහපත ඔවුන්ගෙන් පසුව ද ජීවත් වෙයි” යන කියමන බොහෝ දුරට ප්ලෙකනොව් සම්බන්ධයෙන් සත්‍ය වේ. මෙය හුදෙක් ඉතිහාසඥයන්ගේ ආත්මීය අත්තනෝමතියෙහි ප‍්‍රතිඵලයක් නොව, ඔහුගේ දීර්ඝ විප්ලවවාදී වෘත්තියෙහි පරස්පර විරෝධී ස්වභාවයෙන් පැනනගින්නකි.